پاکستان ایک نظریے، ایک فلسفے، ایک وژن، ایک نصب العین اور ایک واضح مقصد کا نام ہے۔ قائد اعظم محمد علی جناح ؒ اور ہزاروں، لاکھوں شہداءاور مجاہدین نے یہ ملک چند وڈیروں، جاگیرداروں اور کرپٹ اشرافیہ، کرپٹ بیوروکریٹس کے لیے حاصل نہیں کیا، بلکہ ان کی یہ لازوال جدوجہد اس ملک میں اسلامی نظام کے قیام کے لیے تھی۔سراج الحق کا اسلام آباد میں استقبالیہ سے خطاب

 pic sirajul haq (3)

 
لاہور23مارچ2015ء
    امیر جماعتِ اسلامی پاکستان سراج الحق نے کہا ہے کہ پاکستان ایک نظریے، ایک فلسفے، ایک وژن، ایک نصب العین اور ایک واضح مقصد کا نام ہے۔ قائد اعظم محمد علی جناح ؒ اور ہزاروں، لاکھوں شہداءاور مجاہدین نے یہ ملک چند وڈیروں، جاگیرداروں اور کرپٹ اشرافیہ، کرپٹ بیوروکریٹس کے لیے حاصل نہیں کیا، بلکہ ان کی یہ لازوال جدوجہد اس ملک میں اسلامی نظام کے قیام کے لیے تھی۔ یہی کرپٹ اشرافیہ، وڈیرے، جاگیردار اس ملک کو 68 سال سے لوٹ رہے ہیں۔ آج 23 مارچ کا دن ہے، خوشی و مسرت کا دن ہے، ایک دوسرے کو مبارکباد دینے کا دن ہے، آئیے اس دن عہد کریں کہ اس مملکتِ خداداد پاکستان کو قائد اعظم علیہ الرحمة کی سوچ اور لاکھوں شہداء اور مہاجرین کی لازوال قربانیوں کے طفیل حقیقی معنوں میں ایک اسلامی پاکستان بناکر رہیں گے( انشاءاللہ!)۔ جماعت اسلامی کے مرکزی میڈیا سے جاری کردہ پریس ریلیز کے مطابق ان خیالات کا اظہارانہوں نے اسلام آباد میں ساو ¿تھ ایشین فٹس آل چمپین شپ کی فاتح پاکستانی کم عمر نوجوانوں کی ٹیم کے اعزاز میں دیے گئے استقبالیے سے خطاب کرتے ہوئے کیا۔
    سراج الحق نے کہا کہ انتہائی مسرت کا مقام ہے کہ آج 7 سال بعد یومِ پاکستان کے موقع پر پریڈ کا انعقاد ہوا ہے۔ پوری قوم خوشی، عزم، اتحاد و اتفاق کےساتھ آگے بڑھنے کے عزم سے سرشار اور پُرجوش ہے۔ پاکستان کی بری، بحری اور فضائی افواج نے آج اس پریڈ میں اپنی بہترین صلاحیتوں کا مظاہرہ کیا ہے۔ میں پاک فوج اور پوری قوم کو اس شاندار پرفارمنس پر مبارکباد دیتا ہوں۔ یومِ پاکستان کی مناسبت سے افواج ِ پاکستان کی آج کی تقریب سے قوم کو حوصلہ ملا۔ ہم بھی فوج کو مبارکباد دیتے ہیں اور عزم کرتے ہیں کہ پاکستانی قوم پُرعزم اور (انشاءاللہ) ناقابلِ تسخیر قوم ہے۔ انہوں نے کہا کہ ملکی ترقی کے لیے رنگ و نسل، مذہب و مسلک کی سوچ سے بالاتر ہوکر کام کرنے کی ضرورت ہے۔ انہوں نے کہا کہ آج صدرِ پاکستان جناب ممنون حسین صاحب نے یومِ پاکستان پر اپنی تقریر کے دوران حقائق کو تسلیم کرتے ہوئے کہا ہے کہ ملک و قوم کو معاشی مسائل کا سامنا ہے اور اس کی بنیادی وجہ مِس منیجمنٹ اور کرپشن ہے۔ ہم یہ سمجھتے ہیں کہ کرپشن کے اس ناسور کا علاج کرنا حکومت کی ذمہ داری ہے۔ انہوں نے ساو ¿تھ ایشین فُٹس آل چمپین شپ میں پہلی بار حصہ لیتے ہوئے چمپین شپ جیتنے والی پاکستانی حوصلہ مند نوجوانوںکی ٹیم کو مبارکباد دیتے ہوئے کہا کہ اگر حکومت نے سرپرستی نہیں کی تو کیا ہوا، پوری قوم آپ جیسے حوصلہ مند بچوں کی حوصلہ افزائی کرے گی۔ انہوں نے کہا کہ خواہش ہے کہ فُٹس آل کی طرح پاکستان کھیلوں کے تمام بین الاقوامی ایونٹس میں جیت کر آئے۔
    سراج الحق نے کہا کہ اب وقت آگیا ہے کہ قوم 68 سال سے ملک لوٹنے والوں کا محاسبہ کرے اور آئندہ الیکشن کو کرپٹ مافیا ، اشرافیہ اور جاگیرداروں کے یومِ حساب بنادے۔استقبالیہ تقریب میں فُٹس آل فیڈریشن پاکستان کے اعلیٰ عہدیداروں سمیت، قومی اسمبلی میں جماعتِ اسلامی پاکستان کے پارلیمانی لیڈر صاحبزادہ طارق اللہ، جماعتِ اسلامی اسلام آباد کے امیر زبیر فاروق خان، امیر جماعتِ اسلامی
راولپنڈی شمس الرحمن سواتی، شبابِ ملی پاکستان کے صدر زبیر احمد گوندل، صدر شبابِ ملی اسلام آباد شاہد گوندل سمیت مقامی جماعت کے دیگر عہدیداروں اور صحافی برادری کی ایک بڑی تعداد نے شرکت کی۔

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s