لبرل پاکستان کی باتیں آئین پاکستان سے بے وفائی اور غداری کے زمرے میں آتی ہیں۔آئین پاکستان میں لبرل پاکستان کی کوئی گنجائش نہیں ہے ،ہم ملک کو لبرل نہیں بنانے دیںگے بلکہ ملک آئین کے روح کے مطابق ایک اسلامی و فلاحی مملکت بنا کر دم لیں گے۔۔امیر جماعت اسلامی سینیٹر سراج الحق

Siraj 12 nov

لاہور12نومبر2015ء
امیر جماعت اسلامی سینیٹر سراج الحق نے خبردار کیا ہے کہ لبرل پاکستان کی باتیں آئین پاکستان سے بے وفائی اور غداری کے زمرے میں آتی ہیں۔آئین پاکستان میں لبرل پاکستان کی کوئی گنجائش نہیں ہے ،ہم ملک کو لبرل نہیں بنانے دیںگے بلکہ ملک آئین کے روح کے مطابق ایک اسلامی و فلاحی مملکت بنا کر دم لیں گے ،قبائلی عوام نے ملک کیلئے بے پناہ قربانیاں دیں ہیں ہم انکی قربانیوں کو قدر کی نگاہ سے دیکھتے ہیں قبائل نے ہر سخت مرحلے میں جان و مال کی بازی لگا کر ملک سے وفاداری کا ثبوت دیا ہے ،قبائل کو اپنے فیصلے کرنے کا حق دیا جائے ہم کسی کو بھی قبائل پر زبردستی اپنا فیصلہ نہیں ٹھونسنے دیں گے،وقت کا تقاضا ہے کہ علما ئے کرام اور تمام سیاسی جماعتیں مل کر ملک میں آئین کی بالادستی قائم کریں ۔ جماعت اسلامی کے مرکزی میڈیا سیل کے پریس ریلیز کے مطابق ان خیالات کا اظہار انہوں نے جمعرات کے روز دارالعلوم حقانیہ اکوڑہ خٹک میں معروف مذہبی سکالر مولانا ڈاکٹر شیر علی شاہ مرحوم کی یاد میں تعزیتی ریفرنس سے خطاب کرتے ہوئے کیا۔ 
سراج الحق نے ڈاکٹر شیر علی شاہ مرحوم کی دینی و سیاسی خدمات کو زبردست خراج تحسین پیش کیا اور کہاکہ انکے لاکھوں شاگرد دین اسلام کی خدمت میں مصروف ہیں ،سراج الحق نے آئین پاکستان کی کاپی لہراتے ہوئے واضح الفاظ میں کہا کہ آئین پاکستان جس پر ملک کی تمام سیاسی و مذہبی جماعتیں متفق ہیں اور انکے دستخط ثبت ہیں اس میں لبرل پاکستان کا کوئی ذکر نہیں بلکہ اس آئین میں واضح الفاظ میں لکھا گیا ہے کہ یہ ملک اسلامی اور فلاحی مملکت ہوگا ،آج جو لوگ استعماری قوتوں کو خوش کرنے کیلئے ملک کو لبرل پاکستان کی باتیں کررہے ہیں وہ آئین پاکستان سے غداری اور بے وفائی کے مرتکب ہورہے ہیں انہوں نے کہا کہ قبائلی عوام ہمارے سردار ہیں اور جو لوگ آج یہ سوال اٹھا رہے ہیں کہ قبائل کا مستقبل کیا ہوگا تو میں اس بات کا واضح الفاط میں جواب دینا چاہتا ہوں کہ قبائلی عوام کا جو بھی اپنا فیصلہ ہوگا وہی ہمارا فیصلہ ہوگا ۔انہوں نے کہا کہ اس وقت ملک کو بیرونی اور اندرونی خطرات لاحق ہیں ہم سمجھتے ہیں کہ ملک کے تمام مسائل کا حل اس آئین میں موجود ہے جس آئین پر مولانا عبد الحق ،مفتی محمود،پروفیسر غفور احمد ،خان عبد الولی خان ،ذوالفقار علی بھٹو سمیت ملک کی تمام دینی وسیاسی جماعتوں کے سربراہان نے دستخط کیے تھے لیکن بدقسمتی سے اس آئین پر آج تک عمل درامد نہیں کیا گیا آئین اور قانون کی بالادستی کے قیام اور ملک کو ایک فلاحی و اسلامی ریاست بنانے کیلئے علمائے کرام اور سیاسی قائدین متحد ہوجائیں اس ملک کو ایک اسلامی اور فلاحی مملکت بنانے کیلئے جو بھی ایک قدم اٹھائیگا ہم دس قدم اٹھائیں گے اورہم انکے شانہ بشانہ ہونگے ۔

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s