سینیٹر سراج الحق نے جماعت اسلامی کے ”یوتھ ونگ کا اعلان کردیا، کراچی میں یوتھ ریلی سے خطاب

Pic 02
لاہور 15نومبر 2015ء
امیر جماعت اسلامی پاکستان سراج الحق نے آج یوتھ ونگ کے قیام کا اعلان کرتے ہوئے کہا ہے کہ ہم آج مزار قائد کے سائے تلے جماعت اسلامی پاکستان کی یوتھ ونگ کا آغاز کررہے ہیں جس کا پیغام ملک بھرکے نوجوانوں کو پہنچایا جائے گا ۔جماعت اسلامی کا یوتھ ونگ پاکستا ن کے نوجوانوں کا ترجمان ثابت ہوگا اور نوجوانوں کو مایوسیوں سے نکال کر روشن مستقبل کی شاہراہ پر گامزن کرے گا۔ انہوں نے کہا کہ آج نوجوان اس بات کا عہد کرتے ہیں کہ اس ملک کو قائد اعظم اور علامہ اقبال کے خوابوں کے مطابق اور اس مملکت خداداد کو پوری قوم کے لیے جنت بنایا جائے گا ۔ جماعت اسلامی کے مرکزی میڈیا سیل کے مطابق ان خیالات کا اظہار انہوں نے اتوار کے روز مزار قائد پر جماعت اسلامی یوتھ ونگ کے افتتاح کے موقع پر منعقدہ یوتھ ریلی سے خصوصی خطاب کرتے ہوئے کیا۔سراج الحق نے زبیر گوندل کو جماعت اسلامی پاکستان کے یوتھ ونگ کا صدر بنانے کا بھی اعلان کیا ۔اس موقع پر امیر جماعت اسلامی کراچی حافظ نعیم الرحمن، نائب امراءمظفر احمد ہاشمی ، ڈاکٹر اسامہ رضی ،مسلم پرویز ،سکریٹری کراچی عبد الوہاب ضلعی امراءعبد الرزاق خان ،یونس بارائی سکریٹری اطلاعات زاہد عسکری صدر یوتھ ونگ پاکستان زبیر گوندل ،صدر یوتھ ونگ کراچی بلال رمضان اور دیگر بھی موجود تھے ۔اس موقع پر سراج الحق نے پرچم کشائی کی اور شرکاءنے قومی ترانہ پڑھا ،مارشل آرٹ کے نوجوانوں نے کراٹے کا مظاہرہ پیش کیا ، آتش بازی بھی کی گئی اور ایک ہزار پاو ¿نڈ کا کیک بھی کاٹا گیا۔
سراج الحق نے کہا کہ آج ہم پاکستان اور عالم اسلام کے عظیم رہنما اور بانی پاکستان قائد اعظم کے مزار پر جمع ہیں۔ میں نے 9نومبر کو میں نے علامہ اقبال کے مزار پربھی حاضری دی تھی۔آج ہم نے اس لیے نوجوانوں کو مزار قائد پر بلایا ہے کہ ہمیں عزم کرنا ہے کہ قائد اعظم اور علامہ اقبال نے جس پاکستان کا خواب دیکھا تھا ہم اسی کی خاطر جیئں گے اوراسی کی خاطر مریںگے۔انہوں نے کہا کہ پاکستان چند صوبوں اور قوموں کا نام نہیں بلکہ عقیدے نظریے اور فلسفے کا نام ہے ۔قائد اعظم نے اپنی مختلف تقاریر میں 114مرتبہ فرمایا تھا ہمارے لیے مدینہ کی ریاست ماڈل ہے ۔ان کاکہنا تھا کہ ہمارا منشور وہی ہے جو 14سو سال پہلے نبی کریم نے دیا تھا۔نظریہ پاکستان کی حفاظت کرنا نوجوانوں کی ذمہ داری ہے ۔کراچی سے چترال تک 65فیصد نوجوان ہیں لیکن وہ پریشان اور مایوس ہیں ۔ ان کو اپنا مستقبل تاریک نظر آتا ہے ۔ہمیں ان نوجوانوں کو مایوسی سے نکالنا ہے۔ ،ہمیں اس ملک کو پوری قوم کے لیے جنت بنانا ہے ۔سراج الحق نے کہا کہ محمد علی جناح نے فرمایا تھا کہ ہم پاکستان کو دنیا کے لیے ماڈل بنائیں گے ۔ہمار عزم ہے کہ ہم اس ملک کو ایسا ملک بنائیں گے جہاں کسی کے ساتھ ظلم نہیں ہوگا ،خواتین کو حقوق ملیںگے ،اقلیتیں محفوظ ہوں گی اور ہر شہری کو اس کا حق ملے گا ۔انہوں نے کہا کہ ہم نے اسلامی نظام کے نفاذ کے لیے ظلم اور جبر سے نجات کے لیے یوتھ کو جمع کیا ہے ۔اس ملک کو اللہ نے معدنیات اور بے شمار نعمتوں سے نوازا ہے ۔یہ ملک ایٹمی طاقت ہے ۔ یہاں باصلاحیت نوجوان ہیں لیکن کرپٹ اشرافیہ اورناہل حکمرانوں کی وجہ سے ملک ظلم اور استحصال کا شکا رہے ہم” اسٹیٹس کو “کو ختم کرکے اس ملک کو حقیقی معنوں میں اسلامی فلاحی ریاست بنائیں گے ۔ انہوں نے کہاکہ جماعت اسلامی ہی عوام کو مسائل سے نجات دلاسکتی ہے۔ سراج الحق نے کہا کہ کراچی کے حالات ماضی میں خراب رہے ہیں ۔بھتہ خوری اور دہشت گردی سے عوام متاثر ہوئے ہیں ۔کراچی کے عوام کو میں یقین دلاتا ہوں کہ ہمارے ساتھ دیانت دار قیادت ہے ۔عوام مایوس نہ ہو ںجماعت اسلامی شہر قائد کو عالم اسلام اور پوری دنیا کے لیے ماڈل بنائے گی۔ہم قائد کے مشن کے مطابق ملک کی تعمیر کریں گے اور قائد سے عہد کرتے ہیں کہ ان کے مشن کو جاری رکھیں گے۔#

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s